လီဗာပူးတိုက်စစ်ကစားသမား မိုဟာမတ်ဆာလာဟာ အသင်းဖော် ဂျိုတာ ကွယ်လွန်သွားတဲ့အတွက် အားလပ်ရက်ဆက်မယူတော့ဘဲ လီဗာပူးအသင်းဆီပြန်လာမယ်လို့ သိရပါတယ်။
မိုဆာလာနဲ့ ဂျိုတာတိုဟာ ပွဲပေါင်း ၁၅၀ လောက် တွဲဖက်ကစားခဲ့ပြီး အတွဲညီညီ ခြေစွမ်းပြသနိုင်ခဲ့တာပါ။
ဆာလာဟာတူရကီနိုင်ငံ ကမ်းခြေတခုမှာ အားလပ်ရက်အပန်းဖြေနေတာဖြစ်ပြီး ဇူလိုင် ၃ ရက်မှာ ဂျိုတာ ကားမတော်တဆဖြစ်လို့ ကွယ်လွန်တဲ့သတင်းကြားပြီးနောက် ဇူလိုင် ၄ ရက်မှာ လီဗာပူးအသင်းဆီပြန် လာမယ်လို့ အီဂျစ်သတင်းဌာနတခုက ရေးသားဖော်ပြခဲ့ပါတယ်။
ဂျိုတာ ကွယ်လွန်သွားတဲ့အပေါ် ဘောလုံးလောကသားအားလုံးက ဝမ်းနည်းကြေကွဲကြောင်း ရေးသားခဲ့ကြသလို ဆာလာအပါအဝင် အသင်းဖော်တွေဖြစ်တဲ့ ဒါဝင်နူညက်ဇ်၊ လူးဝစ်ဒီယက်ဇ် တိုကလည်း ဝမ်းနည်းကြေကွဲကြောင်း စာရေးသားခဲ့ကြပါတယ်။
ဆာလာနဲ့ လီဗာပူးအသင်းသားတွေဟာ ဇူလိုင် ၇ ရက်မှာ ပြုလုပ်မယ့် ဂျိုတာရဲ့ ဈာပနကိုလည်း တက်ရောက်သွားဖို့ ရှိနေပါတယ်။
Photo: Reuters
