မကွေး ကျီးသိုက်ရွာကို စစ်ကောင်စီတပ် မီးရှို့
DVB
·
July 3, 2025
မကွေးတိုင်း၊ စလင်းမြို့နယ် ကျီးသိုက်ရွာကို စစ်တပ်က စစ်ကြောင်းထိုးပြီး ဒီနေ့ ဇူလိုင် ၃ ရက် မနက်မှာ မီးရှို့နေတယ်လို့ ပြည်သူ့ညီနောင် စလင်းအဖွဲ့က DVB ကို အတည်ပြုပါတယ်။
မကွေးမြို့ကနေ သံချပ်ကားတင့်ကားတွေပါ ပါတဲ့ စစ်ကြောင်း ၃ ကြောင်းဟာ ဇွန် ၂၉ ရက်က စလင်း - မိုးဝန်း - သရက်ချဥ် - ဆင်ဖြူကျွန်း လမ်းပိုင်းတွေကနေ စစ်ကြောင်းထိုးလာတာပါ။
ဇူလိုင် ၃ ရက် မနက်ပိုင်းမှာတော့ အဲဒီစစ်ကြောင်းထဲက တကြောင်းဟာ ကျီးသိုက်ရွာကို အင်အား ၁၀၀ ကျော်နဲ့ ဝင်လာပြီး မီးရှို့ခဲ့တာကြောင့် အိမ်ခြေ ၇၀ လောက် ပျက်စီးဆုံးရှုံးခဲ့တယ်လို့ ဆိုပါတယ်။
မကွေးတိုင်းထဲက စစ်ကြောင်းဝင်လာတဲ့ လမ်းတလျှောက်မှာ တိုက်ပွဲတွေ ပြင်းထန်နေပြီး တော်လှန်ရေး တပ်ပေါင်းစုဘက်က စလင်း - မိုးဝန်း - သရက်ချဥ် - ဆင်ဖြူကျွန်း လမ်းပိုင်းတွေ အသုံးမပြုဖို့နဲ့ စစ်ရေးသတိနဲ့ သွားလာကြဖို့ အသိပေး ထုတ်ပြန်ထားပါတယ်။
