လေကြောင်းတိုက်ခိုက်မှုတွေကြောင့် အီရန်နိုင်ငံပိုင် ရုပ်မြင်သံကြားကနေ တိုက်ရိုက်ထုတ်လွှင့်မှု အနှောင့်အယှက်ဖြစ်ပြီး ဇွန် ၁၆ ရက်က ပြတ်တောက်သွားပါတယ်။

သတင်းကြေညာသူက ပေါက်ကွဲသံတွေကြားကနေ ဆက်ထုတ်လွှင့်ဖို့ ကြိုးပမ်းခဲ့ပေမဲ့ နောက်ဆုံးမှာ တိုက်ရိုက်ထိမှန်မှုကြောင့် စတူဒီယိုကနေ သတင်းကြေညာသူ ထွက်ခွာသွားခဲ့ပြီး အပျက်အစီးတွေနဲ့ အမှုန်အမွှားတွေ လေထဲ ပျံတက်သွားခဲ့ပါတယ်။

သတင်းကြေညာသူ၊ သူ့နောက်ခံတွေနဲ့ ဂရပ်ဖစ်ဒီဇိုင်းတို့က အရင်က ထုတ်လွှင့်ခဲ့တဲ့ နိုင်ငံပိုင်ရုပ်သံမှတ်တမ်းတို့နဲ့ ကိုက်ညီနေပါတယ်။

ဒါပေမဲ့ ဗီဒီယိုရိုက်ကူးခဲ့တဲ့ ရက်စွဲကိုတော့ သီးခြားအတည်မပြုနိုင်သေးဘဲ ဇွန် ၁၆ ရက်မှာ လေကြောင်းကနေ တိုက်ခိုက်ခံရတယ်လို့ အီရန်နိုင်ငံတော်သတင်းအေဂျင်စီက ဖော်ပြခဲ့ပါတယ်။

အစ္စရေးဝန်ကြီးချုပ် ဘင်ဂျမင် နေတန်ယာဟုက သောကြာနေ့အစောပိုင်းမှာ အီရန်နိုင်ငံကို အံ့အားသင့်စရာ ကောင်းလောက်အောင် တိုက်ခိုက်ဖို့ အမိန့်ပေးခဲ့ပြီး အီရန်အစိုးရရဲ့ နျူကလီးယား ရည်မှန်းချက်တွေကို အဆုံးသတ်ဖို့ ကတိကဝတ်ပြုခဲ့ပါတယ်။

အီရန်ဟာ အစ္စရေးနိုင်ငံအတွက် တည်ရှိနေတဲ့ ခြိမ်းခြောက်မှုကို ကိုယ်စားပြုတယ်လို့ ပြောပါတယ်။

အစ္စရေး တိုက်ခိုက်မှုကို တုံ့ပြန်တဲ့အနေနဲ့ အီရန်က ပဲ့ထိန်းဒုံးကျည်တွေကို ညစဉ်ညတိုင်း ပစ်ခတ်ခဲ့ပါတယ်။

Source: Reuters