ဒဂုံမြို့သစ် အရှေ့ပိုင်းတွင် မီးလောင်
DVB
·
February 17, 2022
ရန်ကုန်တိုင်းဒေသကြီး၊ ဒဂုံမြို့သစ် အရှေ့ပိုင်းမြို့နယ် စစ်မှုလယ်ယာ ၁ လမ်းမှာ ဖေဖော်ဝါရီ ၁၇ ရက် မနက် ၇ နာရီ ကျော်က မီးလောင်မှုဖြစ်ပွားခဲ့တယ်လို့ မြို့ခံတွေက ပြောပါတယ်။
“မနက် ၇ နာရီ ၂၀ က လောင်တာ။ ဘယ်က စလောင်တယ် မသိဘူး။ ၇ နာရီ ၃၅ မိနစ်မှာမီးငြိမ်းတယ်။ နေအိမ်တစ်လုံးပဲ လောင်ပြီး တစ်ခြားကူးစက်မှု မရှိဘူး”လို့ ဒေသခံ က ဆိုပါတယ်။
မန္တလေးတိုင်း ဝမ်းတွင်းမြို့နယ်မှာလည်း ဖေဖော်ဝါရီ ၁၇ ရက် ဒီနေ့နေ့ ၁၂ နာရီ ၂၅ မိနစ်လောက်က ရန်ကုန်-မန္တလေး လမ်းဟောင်း မိုင်တိုင် ၃၃၅/၆ နဲ့ ၇ ကြားမှာ ဆီသယ်ယာဥ်တစ်စီး အရှိန်လွန် တိမ်းမှောက်ခဲ့သေးတယ်လို့ ယာဥ်မောင်း တစ်ဦးစီက သိရပါတယ်။
ကားမှောက်ရာမှာ ဆီဘောက်စာက ဆီယိုစိမ့်နေတာကြောင့် ကားမီးလောင်မှု မဖြစ်စေရေး ဝမ်းတွင်းမီးသတ်တပ်ဖွဲ့က Foam မီးသတ်ယာဥ် ၂ စီးနဲ့ အအေးပေးခြင်း လုပ်ငန်းများ ဆောင်ရွက်ပေးခဲ့ရပါတယ်။
